గాన గంధర్వులైననేమి...

... పాటను అగౌరవపరచడానికి?

నిన్నటి స్వరాభిషేకం (ఈ టివి ప్రోగ్రాం) చూసారా? మొదటగా అక్కినేని గారి జ్ఞాపకార్థం కె. జె. ఏసుదాస్ గారు పాడిన "ఆకాశ దేశాన... ఆషాఢ మాసాన" పాట వినే ఉంటారు. మీకేమనిపించింది ? ఏసుదాస్ గారు చాలా గొప్ప గాయకులు. ఎంతో గొప్ప గాత్రం. నా బ్లాగ్ లోకి అడుగిడగానే మీకు ఈ వారం వినిపించే పాట వారిదే. 
 
కానీ ఆ ప్రోగ్రాం చూస్తున్నప్పుడు మాత్రం నాకు చాలా బాధ వేసింది. నాకు వినికిడి జ్ఞానమే తప్ప, సంగీతంలో ఎటువంటి ప్రవేశం లేదు. ఆ పాట వింటున్నప్పుడు నాకనిపించినవి... 

•     చరణాల దగ్గర మ్యూజిక్ కి సంబంధం లేకుండా, ముందుగానో, వెనగ్గానో పాడేసారు. 
•     పదాలు ఇష్టమొచ్చినట్టు పలికారు. విరహమో, దాహమో కాకుండా "విరగమో, దాగమో " అని వినిపించాయి

•     "కడిమివోలె నిలిచానని" అయితే అసలేమన్నారో కూడా అర్థం కాలేదు. 
  

ఆయన తెలుగు వారు కాదు, కానీ పక్కన బాలు గారు, ఇతర తెలుగు వాళ్ళు ఉన్నారు. ఏ పదాన్ని ఎలా పలకాలో అడిగితే చెప్తారు కదా. పాటంటే గాత్రం మాత్రమే కాదు కదా.  సాహిత్యం, సంగీతం , గాత్రం మూడూ కలిసి ఆ ప్రత్యేక సన్నివేశాన్ని రక్తి కట్టించినప్పుడే పాటకి సార్ధకత. అంత పెద్దవారు ఆర్కెస్ట్రా తో కలిసి ప్రాక్టీస్ చేయకుండా(చేసి ఉండరనే అనుకుంటున్నా, ఆ పెర్ఫార్మన్స్ ప్రకారం) అలా స్టేజీ మీద పాడేయడం... అక్కినేని గారికి  నివాళి ఏమో కానీ, రమేష్ నాయిడు గారు, వేటూరి గారు might be turning in their graves :(
                                          (ఈమాటకి తెలుగులో సమానార్థకం తట్టలేదు)