కార్తీకాల తెలి కల్హారాలతో వేస్తా ప్రేమహారం

1980-90లలో తెలుగు సినిమా పరిశ్రమలో ఇళయరాజా గారు దాదాపు అందరు హీరోల సినిమాలకు సంగీతాన్ని అందించారు. కొంతమంది హీరోలకు చాలా సినిమాలు చేసారు , మరికొంతమంది హీరోలకు తక్కువ సినిమాలు చేసారు. ఆ టైమ్ లో శోభన్ బాబు గారి రెండు సినిమాలకు (నాకు తెలిసి) కూడా ఇళయరాజాగారు సంగీత సారధ్యం వహించారు.  

ఒక సినిమా చాలామందికి తెలిసిన "రాజ్ కుమార్ ". ఈ సినిమాలో "జానకి కలగనలేదు" పాట చాలామందికి తెలిసే ఉంటుంది. కానీ ఇదే సినిమాలో ఉన్న "తొలి చూపు చెలి రాసిన శుభలేఖ " పాట నాకు చాల ఇష్టమైన పాటల్లో ఒకటి. ఈ పాట బాలు, జానకిగార్ల  మధురమైన గళాలకు, ఇళయరాజాగారి అద్భుతమైన సంగీతానికి ఒక మచ్చు తునక. ఈ పాట ఇంతకుముందు విని ఉండకపోతే తప్పక వినండి. 

 

 ఇంతకీ ఆ రెండో సినిమా పేరు మీకు తెలుసా ? అయితే చెప్పేయండి :)