ఈయనని మనిషే అందామా, లేక మహర్షి అందామా ?

మన కడుపు నిండినా, పక్కవాళ్ళ ఆకలి పట్టించుకోని వాళ్ళం,
ఏడాదికో, రెండేళ్ళకో పిల్లికి బిచ్చం పెట్టి దానకర్ణులని లోకమంతా పొగడాలనుకునే వాళ్ళం,
కాల్లో ముళ్ళు గుచ్చుకున్నా, ప్రపంచం అంతా ఆగి సానుభూతి చూపాలనుకునేవాళ్ళం,

మనమంతా మనుషులమే అయితే, మరి... 

కడుపున పుట్టిన చిరునవ్వుల చిట్టి పాపలు, కలిసి మెలిసి జీవితాంతం నడవాల్సిన తోడు,
ఏ ఉన్మాదో చేసిన ఉగ్రవాద చర్యకు అసహాయంగా బలైపోతే 
జన్మంతా తగలబడిపోయే కన్నీళ్ళ కార్చిచ్చుని 
ఎన్నో ఇళ్ళ ముంగిళ్ళకి కాంతి కిరణాలుగా, 
మరెంతో మంది చిట్టి శారదల కలల ప్రమిదలుగా 
వెలిగించిన మహానుభావుడు... 

ఈయనని మనిషే అందామా, లేక మహర్షి అందామా ??

డాక్టర్ చంద్రశేఖర్ సంకురాత్రి 
( Video - CNN-IBN Real Heroes Awards 2010)
డా. చంద్రశేఖర్ గారి గురించి నేను తెలుసుకున్నది దంతులూరి కిషోర్ వర్మ గారి ఈ బ్లాగ్ పోస్ట్ ద్వారానే 

"సేవే మార్గం - సంకురాత్రి చంద్రశేఖర" 

మీకు వీలైతే ఈ మహా మనిషి చేస్తున్న మంచి పనులకు తోడ్పాటు అందించాలనుకుంటే , ఈ వెబ్ సైట్ చూడండి

www.sankurathri.org

నాకు నచ్చిన ఆర్గనైజేషన్స్

St.Jude Children's Research Hospital
ఒకసారి టివిలో ఈ హాస్పిటల్ గురించి ప్రోగ్రాం చూసాను. చాలా గొప్పగా అనిపించింది. వైద్యం అన్నిటికన్నా ఖరీదైన వ్యాపారమైన ఈ రోజుల్లో " St. Jude is the only pediatric cancer research center where families never pay for treatment not covered by insurance. No child is ever denied treatment because of the family’s inability to pay." అన్న మిషన్ స్టేట్మెంట్ పెట్టుకొన్న ఈ పిల్లల కాన్సర్ హాస్పిటల్ చాలా చాలా నచ్చింది.పక్కనున్న లింక్ పైన క్లిక్ చేస్తే ఈ హాస్పిటల్ గురించి చదవచ్చు.

• మీకు వీలయితే నెల నెలా $23 ఈ హాస్పిటల్ కి డొనేట్ చెయ్యండి.