Down the memory lane

 A stroll down the memory lane (1990s Songs)

1970-80 మధ్య కాలంలో వచ్చిన సినిమాలు ఆదర్శాలు, ఆత్మీయతలు,మధ్యతరగతి కష్టాలు, కన్నీళ్ళు, ప్రధాన వస్తువులుగా తీసుకునేవి. కానీ 90వ దశకంలో మాత్రం  ప్రేమే ముఖ్య పాత్రగా అనేక సినిమాలు వచ్చాయి. 

ఆ టైం ని ఒక రొమాంటిక్ కాలంగా చెప్పచ్చు.  

     అలాంటి సినిమాలకు సంగీతం ఒక పెద్ద అసెట్. హీరో, హీరోయిన్లు పెద్ద అందంగా లేకున్నా, యాక్టింగ్ రాకున్నా, పాటల వల్లే హిట్టయిన సినిమాలు కూడా ఉన్నాయి ఆ రోజుల్లో. టీనేజీలో ఉన్న పిల్లలని ప్రధాన పాత్రధారులుగా చూపించడం (కొన్ని పాత సినిమాలు మినహాయిస్తే) బహుశా అప్పుడే ఒక పెద్ద ట్రెండ్ అయిందనుకుంటా. 

    అప్పటి కొన్ని పాటలు వింటే కళ్ళ నిండా కలలు, మనసులో  ప్రేమ,  బ్రతుకు మీద ఆశ, ఉన్న మనవో, మనకు తెలిసిన వాళ్లవో, ముఖాలు మీ కళ్ళ ముందు కదలాడుతాయి. మరి అలాంటి కొన్ని పాటలు చూద్దామా?

   

ఇంకా చాలా పాటలున్నాయి. అవి మళ్ళీ మరోసారి... 



మరి వీకెండ్ కోసం ఒక కొత్త పాట... 

     
         Put on your dancing shoes guys n gals

 
    

నూరు చైత్రాలు బ్రతకాలి

నూరు చైత్రాలు బ్రతకాలి

ఆమె గురించి ఏమని చెప్పాలి ?

సినీ సంగీత ఆకాశంలో వెన్నెలలు కురిపించిన జాబిల్లి తాననా... 

 

తన స్వరాల వర్షంలో తడవని శ్రోతలుండరనా ... 

  

ఒక చిన్న నవ్వుతో వందల భావాలని పాటలో పలికించగలరనా... 

  

వెన్నెల్లో గోదారిని, కన్నుల్లో గంగని ఒకే పాటలో దర్శింప చేయగలరనా...  

సన్నాయి స్వరాలతో పోటీ పడగల గాత్ర మధురిమ తనదేననా... 

మీకు తెలియకపోతే కదా నేను తన గురించి ఏదైనా చెప్పడానికి. 

అందుకే నేను ప్రార్థించేదొక్కటే జానకిగారు ఇలాంటి పాటలు పాడ్డానికి ఇంకో నూరు చైత్రాలు బ్రతకాలి. 

(విని తరించడానికి మనందరం కూడా అన్నాళ్ళుంటే అది బోనస్ అనుకోండి :)) 

ఆవిడ పుట్టిన రోజే పుట్టిన మా "చైత్ర", ఆవిడంత కాకపోయినా, అందులో వందో వంతు గాయని అయినా అవ్వాలని ఆశీర్వదించండి. 

ఈ పాట తెలుగులో ఏ పాటో తెలుసా

          ఈ పాట తెలుగులో ఏ పాటో తెలుసా ??

తెలుగులో ఈ పాట ఒక మూవీ ఆల్బంలో ఉంది, కానీ సినిమాలో పిక్చరైజ్ చెయ్యబడలేదు. ఆ తెలుగు సినిమాకు సంగీత దర్శకులైన సత్యం గారి పేరు పైనే ఇంటర్నెట్ లో దొరుకుతుంది, కానీ ఇది ఇళయరాజా గారి పాట. మరి ఆ తెలుగు పాట , ఆ సినిమా పేరు మీకు తెలుసా ??

అలాగే ఈ సినిమా భారతీరాజా గారు తెలుగులో రీమేక్ చేసినప్పుడు, ఈ సిచ్యువేషన్ కి ఇళయరాజా గారు వేరే పాట చేసారు. మరి ఆ పాట, ఆ సినిమా పేరు కూడా చెప్పగలిగితే మీకు బోనస్ పాయింట్స్ :)

Just to brighten your weekend

ADELE 

~ the name says it all. Truly mesmerizing and magnificent voice. 

తన గొంతు వినడం మొదటిసారి అయితే, ఇక ఎప్పటికీ మరచిపోలేరని నా నమ్మకం. ఇదివరకే విని ఉంటే ఇక చెప్పేదేముంది, మీకే తెలుసు :)

Just sit back,relax,and let her voice wash over you ...

కొలనులో కలువనై విరిసాననా,ఓ నాన్నా

కొలనులో కలువనై విరిసాననా, ఓ నాన్నా

ఇవాళ్టి పేపర్లో చూసే ఉంటారు... జాతీయ చలనచిత్ర అవార్డులు ప్రకటించారు. ఉత్తమ తెలుగు చిత్రంగా "నా బంగారు తల్లి" అనే చిత్రాన్ని ఎంపిక చేసారు. అసలు ఎప్పుడూ పేరు కూడా వినలేదే అని గూగుల్ చేస్తే యూట్యూబ్ లో శ్రేయా ఘోషాల్ పాడిన ఈ పాట కనపడింది. 

 

   ట్రైలర్ చూస్తుంటే కాస్తా "మహానది" సినిమాలోలా కూతురు అనుకోని విషవలయంలో చిక్కుకొని, బలవంతంగా వ్యభిచారంలోకి దింపబడితే, సర్వ శక్తులు ఒడ్డి కాపాడుకునే నాన్న కథ అనిపించింది. కానీ అంత ముఖ్యమైన నాన్న కారెక్టర్ కి మలయాళం యాక్టర్ సిద్దిఖ్ ని ఎందుకు తీసుకున్నారు అనుకున్నా.కింద ఉన్న బ్లాగ్ పోస్ట్ చదివాక అర్థమైంది, ఈ సినిమా మలయాళం, తెలుగు రెండు భాషల్లో ఒకేసారి నిర్మించారని.  

అదే సినిమానుండి ఇంకో పాట... 

   ఉమెన్ అండ్ గర్ల్ సెక్స్ ట్రాఫికింగ్ ఆపడానికి "ప్రజ్వల" ఫౌండేషన్ ఏర్పాటు చేసి, ఆ ప్రయత్నానికే తన జీవితాన్ని అంకితం చేసిన సునీత కృష్ణన్ గారు ప్రొడ్యూస్ చేసారు అని చూసిన తర్వాత ఇంట్రెస్ట్ ఇంకాస్తా పెరిగింది. ఈ ఫిలిం మేకింగ్ జర్నీలో ఆవిడ పడ్డ కష్టాల గురించి ఆమె మాటల్లోనే ఇక్కడ చదవండి.  

http://sunithakrishnan.blogspot.com/

ఈ పాట వింటుంటే మీకు ఏ తెలుగు పాట గుర్తు వస్తోంది

ఈ పాట వింటుంటే మీకు ఏ తెలుగు పాట గుర్తు వస్తోంది??

 

ఈ పాటలను గుర్తు పట్టగలరా

            ఈ హిందీ పాటలను గుర్తు పట్టగలరా ??

1. నీ దుఃఖాలన్నీ నావీ, నా సుఖాలన్నీ నీవి

2. ఈ చప్పుడు... ఆకుల గల, గలలా? లేక నువ్వు నిశబ్దంగా నాతో ఏదైనా అన్నావా

3. నేను సంతోషాల మజిలీలు వెతుకుతుంటే, శోకాల బాధలు దొరికాయి 

4. కొంతమంది ఎడబాటుని సహిస్తారని విన్నాను. వాళ్ళు  ఆ బాధతో ఎలా జీవిస్తారో? 

5. పెదాలు కదిలాయంటే, ఎక్కడో జాజిపూలు విచ్చుకునే ఉంటాయి. మీ కళ్ళలోనే, నే వెతికే తీరాలు దొరుకుతాయి.

6. జీవించడం ఎక్కడ మరచిపోయానో గుర్తు లేదు. నిన్నెక్కడైతే పొందానో, శ్వాస అక్కడినుండే మళ్ళీ మొదలయ్యింది. 

నువ్వెప్పుడైనా, ఎక్కడికైనా వెళ్తుంటే, కాలంతో కాస్త చెప్పి వెళ్ళు, అక్కడే ఆగమని...ఆ క్షణాన్ని అక్కడే ఆపమని... 

(ఈ సినిమాలోని ఎన్నో గొప్ప పాటల్లో  ఈ పాట కొంచెం తక్కువ గుర్తు ఉంటుంది అందరికీ. కానీ నాకిష్టమైన పాటల్లో  తప్పక ఉండే పాట ఇది)  

విన్న ప్రతిసారి మనసుపై మత్తు జల్లే పాట

ఎన్ని పాటలు వింటుంటాం... రోజులో, నెలలో , సంవత్సరంలో, కొన్ని వేల పాటలు, ఔనా??

      ఇన్ని పాటల మధ్య, మొదటిసారి విన్నది కొన్నేళ్ళ క్రితం అయినా, ఈ రోజుకీ వింటుంటే... 

మనసుని గాలి అలలపైన తేల్చేసి, 
హృదయాన్ని పూరెక్కల మధ్య ముంచేసి, 
ఆలోచనలన్నీ మాయం చేసి, 
మనని మరో ప్రపంచంలో గిరికీలు కొట్టించే 

... పాటలెన్ని ఉంటాయి? వేళ్ళ పైన లెక్క పెట్టేటన్ని మాత్రమే,కదా?

అలాంటి ఒక పాటే, నాకెంతో ఇష్టమైన సంగీత దర్శకులు _/\_ఇళయరాజా గారి సంగీతంలో వచ్చిన "మాటే మంత్రము" పాట. 


ఈ పాట వినని వాళ్ళు ఎవ్వరూ ఉండరు. కానీ ఈ మధ్య విని ఉండకపోతే ఈ వీడియో చూడండి. ఆ పాటకు తగ్గ ఎంత అందమైన ఫోటోలతో చేసారో.

పాట విన్న తర్వాత ఈ రోజంతా ఇదే పాట మీ మనసులో (నోట్లో) మెదులుతూ ఉండకపోతే అప్పుడడగండి. 

  

ఇంకొకటి ...

ఈ పాట వింటుంటే ఈ మధ్య కాలంలో మరో మ్యూజిక్ డైరెక్టర్ చేసిన ఏ తెలుగు పాట గుర్తు వస్తోంది ???

ఈ పాట తెలుగు వర్షన్ " నీ కన్నులలోన... మురిసే మదిలోన, కురిసే విరివాన" కూడా బాగుంటుంది. 

ఈ హిందీ పాట ట్యూన్ లోనే వచ్చిన ఇంకో హిందీ పాట తెలుసా

మరి ఈ హిందీ పాట ట్యూన్ లోనే వచ్చిన ఇంకో హిందీ పాట తెలుసా ??

ఓ. పీ. నయ్యర్ గారి మ్యూజిక్ లో వచ్చిన చాలా పాటలు ఒకదాన్ని ఒకటి పోలి ఉంటాయి. మరి ఈ పాట యే ఇంకో ఫేమస్ పాటని గుర్తు చేస్తోందో చెప్పగలరా?

ఈ పాట హిందీలో ఏ పాటో తెలుసా ?

ఈ పాట హిందీలో ఏ పాటో తెలుసా ?

నిన్నటి పాట మరీ వీజీగా ఉన్నట్టుంది. మరి ఈ పాట హిందీలో ఏ పాటో తెలుసా ? హిందీలో కూడా బాగా పాత పాటే. ఎవరిని చూసి ఎవరు "ఇన్స్పైర్" అయ్యారో గూగులింగ్ చేసే ఓపిక లేదు. ఏదైతేనేమి మనకు ఒక మంచి పాట రెండు భాషల్లో వినే అవకాశం కలిగింది. 

 

http://www.youtube.com/watch?v=zrHrfn7GQm8 

 

 

ఇదే ట్యూన్ లో వచ్చిన మరో పాట తెలుసా ??

ఇదే ట్యూన్ లో వేరే భాషలో వచ్చిన మరో పాట తెలుసా ?

"చినుకులా రాలి" అని చెప్దామనుకున్నారా... అబ్బా, ఆశ. 

వేరే భాషలో ఇంకో మ్యూజిక్ డైరెక్టర్ "ఇన్స్పైర్ " అయ్యి (మన భాషలో కాపీ కొట్టిన) చేసిన  పాట చెప్పాలి. 

ఈ రోజు మరీ, మరీ గుర్తొస్తున్న పాట

ఈ రోజు మరీ, మరీ గుర్తొస్తున్న పాట

ఎందుకో కదూ, కొన్నిసార్లు ఏదో పాట మనసుని సడన్ గా కలవరపెట్టేస్తుంది. మన మానాన మనం రోజువారీ రొడ్డకొట్టుడులో బిజీ, బిజీగా ఉంటామా ? ఓ పాటేదో గాలి అలల పైన తేలివచ్చి మనసులో తిష్ట వేసుకుంటుంది. ఇక అప్పట్నుండీ ఆ రోజంతా మనసులో, మెదల్లో, సుళ్ళు తిరుగుతూ ఆ పాటే. అయినా పువ్వులు, పాటలు , పిల్లలు, నవ్వులు లేకపోయాక ఈ ప్రపంచముండీ ఏం లాభం?  అలాంటి ప్రపంచంలో బ్రతికుండీ ఏం భాగ్యం ? కాదంటారా ... 

ఇంతకీ ఈ రోజు నేను పలవరిస్తోన్న పాట " కభీ తన్హాయియోం మే యూ హమారీ యాద్ ఆయేగీ". 

ముబారక్ బేగం గొంతు లో ఈ పాట, మీ మనసులో మరుగున పడ్డ జ్ఞాపకాలేవో తట్టి లేపకపోతే, మీ మనసెక్కడుందో వెతుక్కోండి

ఇప్పుడు చదువుతున్న పుస్తకం...

"అమృతవర్షాలు కురిసే రాత్రుల కోసం మనం నిరీక్షించకపోవచ్చు. మిన్ను విరిగి మీదపడే వేళల కోసం మెలకువగా ఉండకపోవచ్చు. కానీ ఆదమరచిన సమయాన పలకరించే ఆశ్చర్యాలకు, అదాటున మీదపడి అలజడి రేపే ఆనందాలకు, అనుకోకుండా వచ్చే అపురూపమైన అతిథులకు,మన జీవితాలను, హృదయాలను అన్నివేళలా ఒక సంసిద్ధతలో వుంచుకోవాలి. దెబ్బ కాచుకోడానికి వొళ్ళు రాటుదేల్చి పెట్టాలి. అయాచిత అద్భుతాల కోసం దోసిలి పట్టడం నేర్చుకోవాలి."

నాకిష్టమైన... అని ఖచ్చితంగా చెప్పలేకపోయినా, తనదంటూ పాఠకులు చటుక్కున గుర్తుపట్టే శైలిని ఏర్పరుచుకున్న ప్రముఖ రచయిత్రి కుప్పిలి పద్మ గారి "శీతవేళ రానీయకు" పుస్తకంలోని కొన్ని పంక్తులివి. 

                                                            Image from avkf.org

ఈ పుస్తకం avkf.org వెబ్ సైట్లో లభ్యం

పుస్తకం పేరు వినగానే మీకు దేవులపల్లి గారి ఆ పాట గుర్తు వచ్చిందని తెలుసు. మరెందుకాలస్యం...వినేస్తే ఓ పనైపోతుంది కదా.

ఈ పాటల పల్లవులు తెలుసా ? - జవాబులు

జవాబులు 

1. క్యోం మై తూఫాన్ సే డరూ , మేరా సాహిల్ ఆప్ హై

2. షామ్ సే పహలే దియా దిల్ కా జలా దేతా హై 

(నాకిష్టమైన 10 పాటలు చెప్పమంటే తప్పకుండా ఆ లిస్టు లో ఉండే పాట ఇది ... గూగులించకుండా ఈ హీరోయిన్ ఎవరో చెప్పగలరా ?) 

 3. ఫిర్ ఆప్ కే నసీబ్ మే యే బాత్ హో న హో

4. మస్తీ భరీ హవా జో చలీ, ఖిల్ ఖిల్ గయీ యే దిల్ కీ కలీ 

6. జో దిల్ యహా నా మిల్ సకే, మిలేంగే ఉస్ జహాన్ మే  

7. తఖ్త్ క్యా చీజ్ హై ఔర్ లాల్ జవాహర్ క్యా హై

  

 

వర్షం పడగానే గుర్తు వచ్చే పాట

కాలిఫోర్నియాలో ఒక సంవత్సరం నుండి సరిగ్గా వర్షాలే పడట్లేదు. రాయలసీమ నుండి వస్తూ, వస్తూ కరువు కూడా వెంట పెట్టుకొచ్చామని మా ఇంట్లో ఒకరి పైన ఒకరం జోకులు వేసుకుంటూ ఉంటాము :)  నీళ్ళు లేనప్పుడు కాలిఫోర్నియా ఐతే ఏమి, కదిరైతే ఏమీ ... అని మా అమ్మ కిందటి వారమే ఇంక అమెరికాకు రానని తెగేసి చెప్పేసింది. మా రాష్ట్రంలో కరువు చూసి హృదయం ద్రవించి, ఇందాకనే ఒబామా ఏవో ప్యాకేజీలు ప్రకటిస్తూ ఉన్నాడు టివిలో. కిందటి వారం ఒక మోస్తరు వాన కురిసి, చెట్లు, పువ్వులు, పిట్టలు కాస్తా కళగా కనిపిస్తున్నాయి. 

         పైన వర్షం పాట అని పెట్టి , ఈ కరువు గోలేంటమ్మా అంటున్నారా, వస్తున్నా, వస్తున్నా, పాట దగ్గరికే వస్తున్నా. మన తెలుగు, హిందీ దర్శకులు ఎంతమందో, ఎన్నో అందమైన వర్షం పాటలు సృజించారు. కానీ ఎన్ని పాటలున్నా,

వర్షం పాట అనగానే నాకు ఠక్కుమని గుర్తు వచ్చే పాట, 
పక్కన ఉన్నవాళ్ళు "ఆపు తల్లీ, పాటని ఖూనీ చేస్తున్నావ్" అంటున్నా నేను గొంతెత్తి పాడేసే పాట, 
ఇన్ని సంవత్సరాల నుండి ఎన్ని పాటలు వింటున్నా మనసులో నిలచిపోయిన పాట.... 
                          ఈ పాట
 "పరఖ్" సినిమాలో, శైలేంద్ర రచించగా, సలీల్ చౌదరీ సంగీతంలో, లతా మంగేష్కర్ పాడిన ... 

                                         ओ सजना बरखा बहार आयी

     హీరోయిన్ సాధన కూడా తన ట్రేడ్ మార్క్ హెయిర్ స్టైల్ లేకుండా సింపుల్గా, అందంగా, అచ్చు మధ్య తరగతి అమ్మాయిలా ముచ్చటగా ఉంటుంది. ఈ సినిమా ఇదివరకు చూసి ఉండకపోతే తప్పక చూడండి. 
 
        ఈ పాట సలీల్ చౌదరీ మొదట బెంగాలీలో చేసారు. ఎక్కడో చదివిన గుర్తు, ఉస్తాద్ బడే గులామ్ ఆలీ ఖాన్ గారి దగ్గర ఉండిన ఒకే ఒక నాన్ క్లాసికల్ రికార్డ్ ఈ బెంగాలీ పాట మాత్రమేనని. 

      బెంగాలీ వెర్షన్:

ఈ పాటల పల్లవులు కనుక్కోగలరా

1. నాదం నాకు ప్రాణం... చెరగరాదీ చైత్రమాసం 
రేగే అగ్నిగుండం... నన్ను తాకి పొందు శాంతం 

2. జీవితాంతం సాగిపోదాం... తోడుగా , నీడగా , జతగా, మన స్నేహం 
చెలి గుండెలో.. ఈ వేళలో..  తలపులు విరియాలి, మనసే నిండాలి
 
(క్లూ : ఈ పాట ప్రారంభం, ఒక అట్టర్ ఫ్లాప్ వెంకటేష్, రాఘవేంద్ర రావు సినిమాలో హిట్ అయిన పాటలా ఉంటుంది)

3. వలపుల దీపం వెలుగున మనము... పదికాలాలు పయనిద్దాము
మన తొలిరోజు కలలా మిగిలి ... కథలే చెప్పును మనకిక రోజూ 
ముందు తరానికీ , మన అనుబంధం, తీపిని తెలిపే తెలుగు ప్రబంధం 

4. మబ్బులలో తళుకుమనే మెరుపేలే చెలి అందం 
ముచ్చటగా ముత్యంలా మిడిసిపడే సఖి పరువం 

5. కార్తీకాల తెలి కల్హారాలతో వేస్తా ప్రేమ హారం... షుక్రియా 
కుసుమించే చెలి యవ్వనం , నా మదికే నీరాజనం 
ఏడేడు జన్మాలకిది శాశ్వతం... 

అన్ని పాటలూ ఇళయరాజా గారి సంగీతంలో వచ్చిన సినిమాల్లోవే.

 

ఎపుడూ నీకు నే తెలుపనిదీ ...

ఎపుడూ నీకు నే తెలుపనిదీ...ఇక పై ఎవరికీ తెలియనిదీ

ఇ.వీ.వీ గారి అబ్బాయి, అల్లరి నరేష్ అన్నగానే మిగిలిపోయిన రాజేష్ (పేరులో ఆర్యన్ మధ్యలో చేర్చుకున్నాడు లెండి), తమిళ్ ఇండస్ట్రీ లో ఒకానొకప్పటి టాప్ హీరోయిన్ నమితలు జంటగా నటించిన "సొంతం" సినిమాలోని ఈ పాట విన్నారా?

         దేవిశ్రీ ప్రసాద్ పెద్ద హీరోల సినిమాలు మాత్రమే చేసే పెద్ద మ్యూజిక్ డైరక్టర్ అవకముందు చేసిన ఈ సినిమాలో "ఎపుడూ నీకు నే తెలుపనిదీ", "తెలుసునా తెలుసునా మనసుకీ కదలిక (చిత్ర గారు పాడారు)" పాటలు రెండు చాలా బాగుంటాయి. ఇదివరకు విని ఉండకపోతే తప్పక వినండి. 

మనసిచ్చిన స్నేహితుడికి ఆ మాట చెప్పలేక, మనసు లేని మనువు చేసుకోలేక, ఒక అమ్మాయి పడే ఆవేదనకి అక్షర రూపం ఈ పాట. 

        మేల్, ఫీమేల్ రెండు వర్షన్స్ లో, సుమంగళి పాడిన ఈ పాట నాకిష్టం. ఆ అమ్మాయి "ఖడ్గం" లో పాడిన "నువ్వు , నువ్వు" పాట మరచిపోగలమా ఎప్పటికైనా ?

        ఏంటీ, సాహిత్యం ఎవరిదీ అంటున్నారా? ఇంత మంచి భాషలో ఇంకెవరు రాయగలరు? పక్కన వున్న "ఈ వారం పాట" ఆడియో ప్లేయర్ లో ఈ పాట విని రచయిత పేరు చెప్పండి.

ఎపుడూ నీకు నే  తెలుపనిది... ఇకపై ఎవరికీ తెలియనిది

మనసే మోయగలదా జీవితాంతం

వెతికే తీరమే రానంది... బతికే దారినే మూసింది

రగిలే నిన్నలేనా నాకు సొంతం

సమయం చేదుగా నవ్వింది... హృదయం బాధగా చూసింది

నిజమే నీడగా మారింది

గుండెలో ఆశనే, తెలుపనే లేదు నా మౌనం

చూపులో భాషనే, చదవనే లేదు నీ స్నేహం

తలపులో నువ్వు కొలువున్నా... కలుసుకోలేను  ఎదరున్నా

తెలిసి ఈ తప్పు చేస్తున్నా ...  అడగవే ఒక్కసారైనా

నేస్తమా నీ పరిచయం

కల కరిగించేటి కన్నీటి  వానే కాదా

శ్రీను వైట్ల కామెడీ మార్క్ ఈ సినిమాలో కూడా బాగా ఉంది. మూవీ చూడకపోతే యూ ట్యూబ్ లో ఉంది. 

ఈ పాటల పల్లవులు కనుక్కోగలరా

1. జానే కహా కైసే షహర్.. లేకే చలా యే దిల్ ముఝే 
తేరే బగైర్ దిన్ నా జలా.. తేరే బగైర్ షబ్ నా బుఝే  

2.  తుమ్ ఇన్ సబ్ కో ఛోడ్ కే కైసే కల్ సుబహ్ జావోగీ 
మేరే సాథ్ ఇన్హే భీ తో తుమ్ యాద్ బహుత్ ఆవోగీ

3. తుమ్హే దేఖ్ కే తో లగ్తా హై ఐసే... బహారోంకీ మౌసమ్ ఆయా హో జైసే
దిఖాయీ నా దేతీ, అంధేరోం మే జ్యోతీ...

4. ఇస్ జిందగీ కే దిన్ కిత్నే కమ్ హై... కిత్నీ హై ఖుషియా ఔర్ కిత్నే గమ్ హై

5. పహలే భీ యూ తో బర్సేతే బాదల్... పహలే భీ యూ తో భీగా థా ఆంచల్ 

6. ప్యార్ మే జిన్ కే సబ్ జగ్ ఛోడా..  ఔర్ హుయే బద్నామ్
ఉన్కే హీ హాథోం హాల్ హువా యే .. బైఠె హై దిల్ కో థామ్ 

ఈ పాటల పల్లవులు కనుక్కోగలరా - జవాబులు

1.  నెరవేరని ఈ మమకారాలేమో ఈ దూరభారాలేమో 
    దేవదాసు- కల ఇదనీ నిజమిదనీ తెలియదులే బ్రతుకింతేనులే,ఇంతేనులే

2. వసంత మధుర సీమల... ప్రశాంత సాంధ్య వేళల 
అనార్కలి - జీవితమే సఫలము... రాగసుధా భరితము... ప్రేమ కథ మధురము

3. కలువ మిటారపు కమ్మని కలలు....కళలు కాంతులు నీ కొరకేలే 
శాంతినివాసం - కలనైనా నీ వలపే... కలవరమందైనా నీ తలపే

4. శృతి చేసినావు ఈ మూగ వీణ...సుధా మాధురి చవి చూపినావు 
బాటసారి - ఓ బాటసారి నను మరవకోయి
(వీడియో యూ ట్యూబ్ లో దొరకలేదు)

5. జరిగి.. ఇటు ఒరిగి.. పరవశాన ఇటులే కరిగి 
మేఘ సందేశం - సిగలో అవి విరులో అగరు పొగలో అత్తరులో 
 (వీడియో యూ ట్యూబ్ లో దొరకలేదు)

6. మునకే మిగులునని..కన్నందుకు ఫలితమని.. తెలుసుకోరు
బహుదూరపు బాటసారి - మేఘమా నీలి మేఘమా

7. రెల్లు చేలల్లో రేయి వేళల్లో కురిసే వెన్నెల్ల నవ్వుతో 
అమరజీవి - మల్లె పూల మారాణికి బంతిపూల పారాణి